رسالتي لكل شاب وكل فتاة

بسم الله الرحمن الرحيم، رسالتي لكل شاب وكل فتاه ان المدونة لاتزال تحت الانشاء والتطوير والتعمير، تدوينات قليله انا عارف، ومش مهم لاني مش هدفي الاول اني اكون مدون وياااه واوفر والكلام ده، انا بكتب اللي انا حاسس اني حابب اشاركه مع الناس، وده غالبا مابيحصلش كتير، الصبر مفتاح الفرج ولو صبرت عليا سنه ولا تلاته كده .. احتمال تلاقي المدونة شكلها يعجبك!

السبت، 21 يناير، 2012

ايها الشعب العبيط

بسم الله، السلام عليكم
ملايين الدولارات تبرعات حكام العرب في الخليج، نعم الرقم صحيح، لا تصعق فهي ملايين الدولارات لإنقاذ اشقائنا المسلمين في الصومال
انها حقا ملايين الدولارات، لا لانشاء مشروعات، ولا لتحسين الخدمات، ولا للمساعده في استقلال الذات، انها ملايين المساعدات
يمكن ان تكون بلأمئات، ويمكن ان تكون بكل العملات، لكنها ستظل مساعدات!
تندرج تحت بند الانسانيه المعذبه، المقهوره المشتته، انها ملايين قوافل الخذي والعار
انها اطفال تموت جوعا يوميا، انها احلى الحفلات تقام شهريا
انها امهات تتمزق داخليا .. إنها انسات تتزين خارجياً
إنها شوارع لا امان فيها إلى بلاسلاح .. انها شوارع يمئلها الصياح
إنها حقا مساعدات، بل انها حقا ابادات ومجاعات
انها نظرات الحقد من كتاب التدوينات، على اغنياء بلاد الخليج والحفلات
سنسئل جميعا عن ما يجري في صومال المسلمين، كما سنسئل عن انشقاق الاخوه في فلسطين
سأقول يارب حاولت ولم استطيع غير الكتابه .. فماذا انتم قائلين؟
سأقول يارب نبهت وبأعلى صوتي ندهت .. فماذا كانوا فاعلين؟

الجمعة، 13 يناير، 2012

كل واحد له سببه في نزولة يوم 25، ودي اسبابي


بسم الله، السلام عليكم
ما اكثر الاسباب اللي تخلينا ننزل يوم 25 يناير الجاي.
قمع؟ موت شهداء؟ شارع محمد محمود؟، فض التحرير اكثر من 5 مرات بوحشيه وطرق قميعه؟ سنه بالكامل كل اللي تغير اللي عملناه هو الترددات وارقام الموبيل والتوقيت؟، تصريحات مستفذه؟، وثيقه السلمي؟ خروج امن؟، تمثليه محاكم مبارك؟ برائه كل الداخليه من كل حاجه؟ قناص العيون؟، مفيش قناصه؟ ترك البلطجه؟ غضب الطرف عن هيئه الامر بالمعروف والنهي عن المنكر؟ صفقات مع المتأسملين؟ سحل البنات؟ فخ العباسيه؟ توفيق عكاشه؟ ظوبيدر؟ احمد حراره؟ تخيون؟ اعتقالات؟ محكمات عسكريه للنشطاء؟ معركه شارع مجلس الوزراء؟، حقوق جميع الشهداء بمحاكمات عادله؟

25 يناير 2012 ثوره، المره دي ثوره ع بقايا مبارك المسمى بالمجلس العسكري

الأربعاء، 11 يناير، 2012

جدو جيمي كارتر مضى على كشوف النابخين ياولاد



بسم الله، السلام عليكم، خبر ع السريع

وصل جيمى كارتر، الرئيس الأمريكى السابق، إلى مدرسة ناصر الثانوية بنات بشارع دنشواى بروض الفرج، وفور وصوله تفقد كارتر ثلاث لجان انتخابية بالمدرسة وتحدث كارتر إلى عدد من الناخبين أثناء الإدلاء بأصواتهم بواسطة مترجمة وسألهم عن الانتخابات ورأيهم بها.

وأكد أحد الناخبين لكارتر داخل اللجنة قائلا نحن سعداء بك داخل مصر ومؤيدون لاتفاقية كامب ديفيد التى شاركت فيها فى عصر السادات، فيما اعترض ناخب آخر متواجد باللجنة على هذا الكلام قائلا "أنت بتقول أيه إحنا مش مؤيدين للاتفاقية دى"، وقام كارتر بالإمضاء على كشوف الناخبين وغمس أصبعه بالحبر الفسفورى.
كانت المدرسة قد شهدت تأمينًا مكثفًا من قبل قوات الأمن عقب علمهم بقدوم "كارتر"، ومن ناحية أخرى شهد شارع دنشواى اختناقًا مروريًا عند خروج موكب كارتر من المدرسة نظرا لإغلاق قوات الأمن الطريق تأمينًا للمكان. التفصيل..
نقلا عن @اليوم السابع : خلال زيارته للجان الدائرة الأولى بالقاهرة.. كارتر: الإسلاميون اختيار الشعب وعلينا احترام رغبته.. ناخب: نحن مؤيدون لكامب ديفيد وآخر يعترض بروض الفرج

وقد علق محمد سمير "اللي هو انا" قالا: هناك تساؤل، كيف لأحدهم لا ينتمي لهذه اللجنه الانتاخبيه، ولا لمصر اساسا ان يقوم بالتوقيع في كشوف الناخبين!، -اللي يحل الحذوره دي يتصل باللجنة العليا للأنتخابات ويقول لهم الحل-، لإن اللي حصل ده يعد تزويرا يعاقب عليه كل من اشترك فيه، حتى جيمي كارتر ذات نفسه!

الثلاثاء، 3 يناير، 2012

لقد قرفت #2 الديمقراطيه مش الديموقراطيه

بسم الله، السلام عليكم
زي ماقولت في تدوينه قبل كده اني هتكلم عن الديمقراطيه كاجابه رقم #2 عن السؤال اللي بيقول ليه مش حكم الفرد وليه الديمقراطيه في تدوينة سابقة بعنوان لقد قرفت كنا بنقول ليه الديمقراطيه، ليه مش الدين!
وبصراحه دي منطقه خطر على حياتي اني اتكلم فيها، بس هقول وامري لله، اولا الموضوع ينقسم إلى قسمين
من القائم على الدين ليحكم به، ولماذا الديمقراطيه
*اولا حكم الدين .. ماقبل واثناء عصر النهضه، او عصر التنوير، كانت سلطه الكنيسه سلطه مطلقه، فرض ضرائب، تحكم في السياسه، خوض حروب باسم الكنيسه والدين، فرض مايسمى صكوك الغفران، اتهامات بالهرطقه وانشاء محاكم التفتيش! وطبعا لها عقوبات بتوصل للقتل وخلافه، اعتقال او حجر على اراء العلماء، وطبعا قصه جاليليو (للتعرف اكثر عليه رجاء التوجه إلى ويكيبيديا) خير تذكير
الخطاء مش خطاء الكنيسه، وعلى رأي المثل المصري، يا فرعون إيه فرعنك؟ قال ملقتش حد يلمني
يمكن في بدايات إحكام قبضه الكنيسه، كان راس الكنيسه فعلا حد جدير بلاحترام، بس جه بعده اللي شوه صورة الكنيسه لحد دلؤتي، ده طبعا بخلاف انشقاق الملك هنري الثامن ملك بريطانيا وتأسيسه الكنيسه الأنجليكانية بسبب خلافه مع البابا وقتها على السماح له بالطلاق من زوجه اخيه، التي لم تكن تجنب له!، وبهذا "ضرب عصفورين بحجر واحد" منه تخلص من سلطه الكنيسه بقيادة الكرسي الراسولي، ومنه احلال طفائه جديده يقودها هو ومن يختاره وفقا لما يختاره، نعتبرها ثوره تصحيح، او انشقاق عن العصى الكاثوليكيه، لكنها في النهايه تظل لها ابعاد انسانيه بحته للتخص من زوجه التي لم تكن تجنب له :)، وهذا خير دليل لتطويع الدين لتحقيق المبتغى
طيب اشمعنى الحكم للشعب؟ ده كفر! -والعياذ بالله- طبعا ده كلام البعض
* ثانيا الحكم عندما يكون من الشعب وللشعب، بتحصل حاجتين تلاته اربعه وهقولهم بإختصار
*- يكون هناك اكثر من فريق يريد السلطه، وبالتالي فكل فريق يريد ان يظهر احسن ماعنده، ويظهر اسوء ماعند الاخر ليفوز بالحكم ويطبق فكره في شتي مجالات الحياه "وبهذا يستطيع الشعب التفريق بين الذي يصلح للحكم من الذي لا يصلح للحكم"
*- يبذل كل فريق -وفي هذه الحاله هي الاحزاب بالطبع- كل ما يستطيع فعله لنيل رضاء الشعب، وهذا يتمثل في الاهتمام الدائم بمصالح الشعب وخلافه "وهذا يضمن اختيار الافضل دائما"
سؤال سائل، طيب افرض حد كان وحش، واستغل الحكم الديمقراطي علشان يوصل للحكم وبعد كده لم يوفي بوعوده، واهمل الشعب ومصالحه، يبقى الغلط في الديمقراطيه ولا الشعب؟
*حضرتك الغلط لا في الديمقراطيه، ولا في الشعب، لإن الشعب اكيد اختاره لانه وعد وطبعا كان له رصيد معين يسمحله انه يوصل للمنصب ده، مسافة ما وصل لم يوفي بوعده، عادي الشعب يستنى عليه مده حكمه ثم لا يعيد انتخابه، ويختار من هو افضل منه!

كلامك مقنع! لكن برده رجال الدين لما يحكموا بيتقوا الله، وهم لا يريدون سلطه او مال او جاه او اي متاع من متاع الدنيا!
حضرتك غلطان في نطقتين
*اولهم انهم لا يريدون السلطه، اذا فإن كانوا لا يريدون السلطه، لماذا دخلوا المعترك السياسي والسباق عليها؟
*تاني نقطه انظر لهم، اليسوا "بعضهم" لديهم سيارات فارهه، يعيشون احسن من غيرهم بكثير، يتزوجون مثنى وثلاث ورباع؟، كل هذه المتع وهم لا يريدون المتع؟ من لم يكن حقاً يريد المتع هو خامس الخلفاء الراشدين عمر بن عبد العزيز حفيد عمر بن الخطاب، فهذا لم يتزوج سوى واحده، ولم ينجب سوى ابن واحد، وعندما مات لم ينجب غيره، حكم وهو من علية القوم، ومات في الحكم وهو من اشدهم فقرا وذهدا في الدنيا
اخيرا يتبقى لنا اتقاء الله، انتا ليه بتحكم على حد بيصلي او طالعاله علامه صلاه، او ماسك سبحه، او مطلق اللحيه، انه طقي؟ انتا اطلعت على قلوب العباد؟ .. طيب ايه اللي عرفك ان "على سبيل المثال" الشيخ محمد حسان اتقي من احمد زويل او البرادعي، او غيرهم من مرشحي الرئاسه؟
وبعدين حضرتك مهو طبيعي ان اللي هيحكم مصر لازم يكون، تقي وامين وبيخاف ربنا، بس هل المتطلبات دي مش موجوده غير في الشيوخ او فئه معينه من المجتمع؟ يااخي ده في مسيحيين "مش مسلمين" اتقياء، بيخافوا ربنا اكتر من مسلمين مأضنها خمور وسكر وعربده، يبقى لما تيجي تقارن مسلم بمسلم، تفضل واحد عن واحد علشان هو له دقن؟، من امتى كان الحكم على الانسان بالدقن!
طيب لو هي بالدقن بقى، عندك القساوسه، دقونهم مش بطاله برده ، في كتير بيصولوا "منظره بس" وفي كتير مبيصلوش وبيراعوا ربنا

انا هنا مش قصدي اتريق على بعض الشيوخ او اقلل من قيمه حد، بس انا عاوز اقول ان الحكم ليس بالدين او باعمال المرء مع ربه، فهذه اشياء بين العباد وربهم، لكن الحكم وفقد لمن سينفع الناس، صحيح في بعض المشايخ او معظمهم اتقياء وامناء وغيره وغيره، لكن هل يستطيعوا ان يديروا اقتصاد البلد؟، هل يستطيعوا ان يتعاملوا مع مشاكل دول حوض النيل؟ هل يستطيعوا استراجع مكانه مصر، هل يستطيعوا توحيد العرب على كلمة سواء، ولو حتى تحرير الاقصى المغتصب؟ إن كانت الاجابه بنعم، فقد حان وقت الاختبار، فعلى كل مجتهد ان يظهر مدى اجتهاده ومدى براعته في احكام زمام الامور، "قل" هاتوا برهانكم إن كنتم صدقين

الاثنين، 2 يناير، 2012

لقد قرفت

بسم الله، السلام عليكم
برغم اني اخد قرار اعمل مدونه ليا علشان احكي، إلا اني مبقتش لاقي حاجه تتقال!، برغم ان الكلام كتير، والاحداث اكتر، لكن من كترها مبقتش ملاحق عليها، لا قادر افكر فيها، لا قادر اتكلم عليها

الثوره .. ماتت خلاص، الثوره اللي كنت بفتخر اني محرض فيها بخ، كل سنه وانتوا طيبين ويعود علينا ثورة بعد 60 سنة بخير إن شاء الله -ياهنا من يعيش- المصيبه ان ناس كتير اثناء الثوره مكنتش عارفه تجاوب على سؤال بسيط/محوري .. ماذا بعد؟
ماذا بعد سقوط مبارك واعوانه؟ طيب ازاي هنقدر نقتلع جزور هذا النظام الفاسد؟ .. انا عايش في الفلاحيين، كنت اشوف لما ناس يكونوا زرعين شجره قدام بيتهم والشجره تدايقهم بجزورها اللي احيانا بتوصل لأساس عمارتهم، "يقلوعها" .. عمري مافهمت -غير ماخراً- مسطلح قلع الشجره ده، كنت بقول لنفسي "هم ليه مش بيقولوا انهم هيقصوها، او هيكسروها" ليه هيقلعوها، بعد كده فهمت ان عمليه قلع الشجره تكون من الجزور، لان "في اعتقادي" وارد ان الشجره تطلع فروع بعد ما تتقص وتكبر تاني وبالتالي تمد جزور اكتر وتمنوا جزورها اللي موجوده اكتر تحت اساس البيوت، وبالتالي تسبب ضرر اكبر!
المشكله ان مبارك جزوره في امتدت في البلد كلها، وخارج البلد كمان، امريكا كان ليها مصلحه في بقائه في الحكم علشان اسرائيل، واسرائيل كان ليها مصلحه في انه يفضل محافظ ومتمسك بكامب ديفيد، ودول الخليج كانت متمسكه بيه لاتخاذه قرار المشاركه في حرب الخليج لتحرير الكويت من غزو العراق ليها، ده غير العلاقات الشخصيه الطيبه مع معظم ملوك وامراء الخليج! حتى اروبا كان ليها مصلحه في وجوده علشان قمعه للإسلام السياسي وحركاته وجماعته اللي منهم ذو فكر متطرف، يعني راجل جزوره ممتده للعالم، شمالا وجنوبا وشرقا وغربا، هنقلعه ازاي؟
الشجر زو الجزور المباركيه لا يحتاج إلى انتزاع بالقوه لقلعه، لكن يحتاج إلى الحفر فوقه والتنقيب عليه، اللي حصل في الثوره اننا شدناه، فكل فروعه اللي فوق الارض طلعت في ادينا، وقولنا هيييييه الثوره نجحت وعلى رأي الشاعر الحلمنتيشي "عمرو قطامش" ثورتنا نجحت ياعالم، لكن الكارثه اننا انتزعنا وفقط الاجزاء البسيطه الظاهره ولم نعد نمتلك القوه في اقتلاع اساس هذه الشجره المباركيه الملعونه
اختلف واتفق معايا براحتك في انجازات او اخفاقات مبارك "برغم اني مش شايف له انجازات بس يلا" بس اللي نتفق فيه، ان ال60 سنه حكم قمعي واستبدادي من ايام عبدالناصر لحد مبارك، جعلت مصر تبطء بل وتتراجع اكثر من 600 سنه، زراعيا وصناعيا واخلاقيا واقتصاديا وفكريا وفنيا، سياسيا، الحاجه الوحيده اللي قدمنا فيها تقدم شبه ملحوظه هو وفقط الرياضه .. انا مش بقلل من قيمة الرياضه، لكن هل هي الاهم؟
في بريطانيا حكم ملكي دستوري، يعني ايه؟ يعني الملكه او الملك، يملك ولا يحكم! طيب مين بيحكم؟ رئيس الوزراء يا سعادة الباشا، ورئيس الوزراء هناك بيجي من البرلمان المنتخب عن طريق الاقتراع السري المباشر، يعني من الشعب
ايام الملك فاروق اللي عبدالناصر انقلب/ثار عليه كان عندنا نفس ام الحكم ده، ملكي دستوري
اقدر اقولك ان الفتره دي في تاريخ مصر كانت ازهى فترات مصر اقتصاديا وفكريا واخلاقيا -برغم الدعاره المرخصه-/-وبرغم بزوغ فجر الاخوان وحسن البنا بالتحديد- لدرجة يا مؤمن ان بلدك سلفت بريطانيا مليار جنيه .. من تقريبا 80 سنه :) او يقل
ساعتها الملك فاروق كان زيه زي اليزابث -الله يمسيها بالخير وتنتقل إلى جواره بقى كفايا كده- كان يملك ولا يحكم
والبرلمان هو اللي كان بيشكل الحكومه، وساعتها بس حكم حزب الوفد بقياده مصطفى باشا النحاس، ازهى عصور الدمقراطيه والحريه، الحزب المعارض في 2011 كان حزب حكام "له معراضين" في 1920
حد يقولي اصل الملك فؤاد كان مغضوط عليه من الاجانب انه يعمل الديمقراطيه، هقولك مضغوط عليه، بمزاجه، غصب عن عين اهله، كان في ديمقراطيه ولا لاء يا مؤمن؟ وكان ملكك مش من دمك ولا من طينك ولا من وطنك، كان تركي :)
بس كان في شعب بيحكم، شعب اختار الوفد يمثله لان الوفد مبدئه متفقه مع مبادء الاغلبيه اللي جابته في البرلمان، وبكده قدر يشكل حكومه تنفذ توجهه الفكري والاقتصادي والسياسي والتعليمي إلخ إلخ، وعلشان كده كنا بنتقدم

 ايام الخلافات وخصوصا الخلفاء الاربعه الراشدين، كانت المملكه الاسلاميه في ازهى عصورها، وكان ده حكم فرد يبقى ليه الحكم الديمقراطي اصلا؟، ده سؤال سائل
هقولك لسببين:
  1. ايام الخلافه وخصوصا الخلفاء الاربعه الراشدين، كان الخليفه لم يكن له مطمع في حكم او منصب او جاه، كان باغضً زاهداً في الخلافه لا يريدها ويعرف ثقلها وهمها ولما يأتىّ به لها كان ينفق الغالي والنفيس على ان لا تكون في ميزان سئاته وان تكون في ميزان حسناته، كان وفقط يتقي الله فيمن يحكم، لم يكن يريد مالا او جاه او سلطه او نفوذ -ده ايام الخلافه- ومن اعلم من الله ورسوله بعباد الله؟، وكل الخلفاء الراشدين كانوا صحابة رسول الله ومن اشد من آمنوا بما ارسل به ونزل عليه من ايات، واشد من يطبقها على نفسه قبل غيره، لكن رسول الله قد مات، من يطلعنا الان على قلوب البشر؟ من يقول لنا هذا صالح وهذا طالح، هذا يستحق صحبة رسول الله ومن لا يستحقها غير رسول الله .. حلت هذه المشكله بعد ذالك في الخلافات التاليه، وتقريبا بدء من سيدنا عثمان بن عفان بدا تطبيق الديمقراطيه، ولكنها كانت تقتصر على مبدء الهرميه، فكانت كل قبيله تبعث بشيخها لاختيار الخليفه، إلى ان استقروا على اثنين، هم سيدنا عثمان بن عفان، وسيدنا علي بن ابي طالب، ثم استقروا على سيدنا عثمان بن عفان، وهذا كان اول تطبيق معروف بشريا ومثبت على الارض!، قبل ان تنادي به امريكا واروبا او حتى يفكر به فلاسفه عصر النهضه
  2. ليه الديمقراطيه؟ دي محتاجه تدوينه لوحدها لانها هتبقى كبيره إلى حد ما فقررت اني هعملها في جزء تاني من التدوينه دي في وقت لاحق
يابخت من دون وخفف -ده "كان" شعار المدونه بتاعتي قبل التدوينه الطويله دي :)-