سماعليكو
التدوينه دي من ده على ده، ،هزار على هزار يتخللهم شوية جد
اولا، ده ملعبي، التاب جاب لي احباط من قبل ما ايدي تلسمه، ده انطباع اولي، تاني انبطاع وربنا ما هدفع فيه 5 جنيه، انا مش ناوي اتمرض!.
في فيديو unboxing على اليوتيوب: INAR TABLET UNBOXING عندي مليون انطباع، وبسم الله ماشاء الله اغلبهم مش كويسين!، وهقولهم كده بسرعه
اولا، سرعه استجابة اللمس، زي الزفت، تقريبا في نص ثانيه او اكتر فرق سرعه الاستجابه، مسغرب ده جدا لان كرت الشاشه بتاع الجهاز كويس مش وحش بصراحه وهو Mali-400 MP وده شئ عجبني
ثانيا تصميم الواجه زي الزفت، اللوجو بتاع ااسم لتاب زي زي الزفت، معأن الاسم كان مع مصمم كويس هيطلع لوجو جميل جدا جدا، بس عجبني لوجو حرف I، لقيته ظريف وتقريبا اغلب المصممين هيتفقوا معايا في حاجه زي دي
ثالثا، واحنا لسه بنتكلم عن الفيديو برده، علبة التاب او البوكس كونتينر، تصميمها الداخلي من الفليين، يعني تريقه السنين، وكتير بيستخدموا الفليين، بس بس بصراحه، الخروم اللي في الفليين ضحكتني جدا، فكرتني بالصوره دي
فاكرين الصوره دي؟ .. ده جهاز اتاري من شركة سيجا، في الكترونه بتاعت، يمكن من اول ما اخترعوا التغليف في الفليين، شايفين الفليين مقصوص ازاي؟، ونبي عسل، اهو بظبط الفليين اللي محطوط فيه التابلت العميق، إينار .. مقصوص نفس القصه الرياليستيك دي، قصه حلاق محترف!
رابع حاجه لفتت نظري، التوصيلات المحلقه، الشاحن، عامل زي شاحن نوكيا 3310، من غير ضحك!، اقسم بالله كده الفيديو موجود واتفضل شوفه!، تحويلة الميني يو اس بي، عاديه، طولها حوالي 20 سم، وتقريبا زي باقي السوق، مفيش فيها مشاكل دي، نيجي للي يهلك من الضحك، اقسم بالله ما ببالغ، الهاند فري، السماعتين شمال ويمين العرض بتاعهم حوالي 0.75 سم او تقريبا 1 سنتي، يعني حاجه كده مدخليش في الودان، وطبعا لا في استريوا ولا حاجه، لان السماعه يدوبك متعلقه في ودنك، مش داخله جوه زي الجيل الجديد من السماعات، واليوزر جايد، ضحك السنين
التفصيل طبقا لمدونة myfreestar بتقول، ان البروسيسور Dual-Core, ARMv7 (VFPv3, NEON) .. يعني حاجه زي الزفت، وفرحانين اوي انه ناوتين وسرعته 1.6 جيجا هيرتز، بس احب ابشركوا انها بتضيع مع الكم الهايل من الداتا اللي لازم يعالجها في الستستيم Android 4.1 اللي هو الجيلي بين، ويمكن ده يكون عامل مهم في سرعه الاستجابة بتاعت الشاشه اللي قولتلكم عليها، كرت الشاشه زي ما قولت قبل كده Mali-400 MP وده كرت كويس بيستخدم في التليفونات، وبعض التابلتس بس محتاج بروسيسور قوي يسنده، وإلا هيتنزق في عنق زجاجه زي ماهو باين جدا في سرعه الاستجابة، بس اللي جايا، تقيله، الشاشه LCD TFT .. كارثه، الوان زي الزفت وحتى في التليفونات اللي شاشتها صغيره، الالوان بتاعت الشاشه دي كارثه، زفت الزفت، كنت متوقع الشاشه تكون اموليد، بس القدر، هنقول ايه، ناس بتحب تسترخص
الرامات واحد جيجا، DDR3 معقوله، الذاكره الداخلية 8 جيجا، "لا تعليق" حسبي الله ونعم الوكيل، وقابله للتوسيع بـ Micro SD لحد 32 جيجا
عاوز تضحك؟، تعاااالى، في الوقت اللي معظم الشركات بتتباها بقوة الكاميرات بتاعتها، يخرج علينا إينار، التابلت المصري، بكاميرا امامية، 0.3 ميجا بيكسل وده حسب مدونة myfreestar (افتكر موبيلي القديم اللي هو نوكيا 7610 "الدمعه" الكاميرا بتاعته كانت 1.3 ميجا بيكسل، وده انتاج سنة 2005 على ما اعتقد ^^) نرجع تاني لإينار، الكاميرا الخلفية 2.0 ميجا بيكسل، افرحوا يا ولاد، هنافس اخيرا تابلتات سامسونج اللي اقل تاب فيهم بكاميرا خلفية 5 ميجا بيكسل :D
بصوا، انتقادات كتير، ومميزات قليله، مش مشكلتي انا انهم استخسروا يحطوا فلوس في اسبوع بحث، كان هيعرفهم اللي بيعملوه ده اسوء من العبث بكتير، دي كوارث، احنا كده حرفيا بنخترع العجله من جديد، الكل فرحان، هييه عندنا تاب مصري، عندنا تاب مصري، وMade in Egypt وحاجات كده، هي مش مقاوله، ولا هو Made In Egypt ولا زفت، ده تجميع إن إيجبت اخره
مصنع سامسونج اللي فتح في مصر جديد، في بني سويف، احسن مليون مره كده، وتصنيع مصري، مش تقفيل مصري زي إينار، ودي الصور اهي
(دوس على الصور تكبر)
ودي بجد اللي شكلها يشرح القلب، وموديل باين عليه محترم، ومتصنع في مصنع مصري
انما إينار، بروسيسور وكرت شاشة والشاشه ذات نفسها جايا من بره مصر، والرامات كذالك، ومش بعيد يكون بقيت التوصيلات، الشاحن والهاند فري والتحويله، ويقولك مصري، مصري مين يا عم، لو كان اتقال لنا، دي اول محاولة، ونسخه تجريبيه، ونفرح بقى وكده، كان اوكيه
لكن نطلع في كل حاجه ونلزق اسم مصر على حاجه معفنه زي دي؟، عاوزين تلزقوا اسم مصر على اعاده اختراع العجله؟ رمز التخلف؟، يا جدعان بلاش قرف
يابخت من دون وهو مخنوق
